Otsailaren 19ko 1/2010 Lege Organikoak aldatu ondoren Konstituzio Auzitegiaren eta Botere Judizialaren lege organikoa, Konstituzio Auzitegiari egokitu zaio errekurtsoez eta organo jurisdikzionalek aurkez ditzaketen arazo prejudizialez arduratzea, arau hauek direla eta: bakoitzak bere zerga-araubidea mantendu, ezarri eta arautzeko eskumenak egikarituta, Arabako, Gipuzkoako eta Bizkaiko lurraldeek zerga arloan emandako foru-arauak.
Errekurtso eta arazo horiei dagokienez, jartzea eta jartzearen ondorioak, legitimazioa, izapidetzea eta epaia arautzera etorriko da Konstituzio Auzitegiari buruzko Lege Organikoak konstituzio-kontrakotasuneko errekurtso eta auzietarako xedatu duena. Alderdi demandatuaren alegazio-izapidea dagozkion batzar nagusi eta foru-diputazioekin egingo da.
Konstituzio Auzitegiaren Osoko Bilkurari dagokio prozesu konstituzional horietaz arduratzea, hargatik eragotzi gabe salaren baten esku uzteko aukera.