Konstituzio Auzitegiko lehendakari, lehendakariorde eta magistratu emerituek Auzitegiko Osoko Bilkurak erabakitako prerrogatibak izango dituzte, eta, betiere, hauek:
- a) Lehentasunezko tokia hartzea Konstituzio Auzitegian egiten diren ekitaldi solemneetan eta izaera jurisdikzionaleko egintzetan.
- b) Libreki sartzea Auzitegiaren egoitzara, eta hango instalazio eta zerbitzuak erabiltzea, zor zaien duintasunarekin bat.
- c) Konstituzio Auzitegiaren argitalpenak jasotzea.
Konstituzio Auzitegian egiten diren ekitaldi publiko ez jurisdikzionaletan, Auzitegiko lehendakari emerituak Botere Judizialaren Kontseilu Nagusiko lehendakariaren ondoren jarriko dira, eta magistratu emerituak, berriz, ministroen ondoren.